Guztiok dakigunez, pandemiaren ondorioz, bertan behera utzi genituen egiten ari ginen zenbait jarduera eta proiektu, hala nola Bigarren Hezkuntzako ikasleek parte hartzen zuten truke-programa. Joan den ikasturtean ikasle talde bat Dublinera joan zen nazioarteko programen hasiera gisa, eta ikasturte honetan elkartrukeen txanda egokitu zaio, Hanburgoko iparraldean dagoen Emil-Von-Behring Gymnasium ikastetxeko 18 ikasleren bisitarekin eta programaren lehen zatiarekin.

Casana School akademiarekin lankidetzan, irailaren 22tik 29ra bitartean, Alemaniako ikasleek eta DBHko 4. mailako ikasleek jarduera eta bisita kulturalen programa batez gozatu ahal izan dute, Vive Euskadi proiektuaren barruan.

Gure kultura, kirola, gastronomia eta geografia nolakoak diren jakin eta islatu behar izan dute ikasgelan egin duten proiektu komun batean, eta bisiten eta aire zabaleko jardueren programarekin batera etorri da. Horri esker, ikasitako guztia praktikan jarri ahal izan dute.

• Astelehenean Gernikako herria eta bertako zuhaitz enblematikoa, herriko azoka tradizionala, bisitatu zituzten eta zesta-punta tailer batean parte hartu zuten Jai-Alai frontoi ezagunean, Gonzalo Beaskoetxea olinpiko ohiaren eta Diego Beaskoetxea bere semearen eskutik.
• Asteartean Bilbora joan ziren, San Mames estadioa ezagutu eta Guggenheim eta Alde Zaharra ezagutzeko aukera izan zuten. Eta Hanburgok eta Bilbok bi portu garrantzitsu dituztenez, interesgarria iruditu zitzaigun Bilboko Itsasmuseuma ezagutzea.
• Asteazkenean Gorlizko itsasargia eta bere ibilaldi polita ezagutu zituzten, hondartzako egun eder batekin amaitzeko.
• Ostegunean Vive Euskadi proiektuaren azken aurkezpenak egin ziren ikastetxean, eta gure zentroa inguratzen duen ingurune naturala ezagutu zuten, El Regato herriraino ibilaldi atsegina eginez.

Hau ikasle truke-esperientzia honen lehen zatia izan da, orain bigarrena geratzen da, non gure ikasleek Hanburgo eta bertako ohiturak ezagutuko dituzten, eta beren ikaskide berrien bizitzan bete-betean murgilduko diren. Baina apirilera arte itxaron beharko dugu azken zati hori zehatz-mehatz ezagutzeko, eta xehetasunez azalduko dizuegu.